Mesditën e sotme një tërmet i fuqishëm ka goditur Turqinë, duke shkaktuar panik në zonat e Izmirit, Bursës dhe Stambollit.
Mediat dhe autoritetet raportojnë se forca e lëkundjeve sizmike shkoi në magnitudën 5.4 ballë dhe goditi rajonin Simav të provincës Kutahya në Turqinë, si epiqendër.
“Lëkundjet u ndjenë në Turqinë perëndimore, në orën 12:59 GMT, me një thellësi fokale prej 8.64 kilometrash”, tha Agjencia Turke e Menaxhimit të Fatkeqësive dhe Emergjencave (AFAD) .
Nuk raportohet ende për të lënduar në njerëz apo shkallën e dëmeve.
