Në një fjalim para komandantëve ushtarakë amerikanë në Quantico, presidenti Donald Trump u shpreh se do të ishte një ofendim ndaj Shteteve të Bashkuara nëse nuk do t’i jepet Çmimi Nobel për Paqe.
Ai theksoi arritjet e tij në zgjidhjen e konflikteve dhe shprehu zhgënjimin ndaj mundësisë që ky çmim t’i ndahet dikujt tjetër që sipas tij nuk ka bërë asgjë të rëndësishme.
“Do ta japin ndonjë tipit që nuk ka bërë absolutisht asgjë,” tha Trump, duke u lavdëruar se ka përfunduar shumë konflikte. Drejtuar zyrtarëve të lartë ushtarakë, ai shtoi: “Kjo do të ishte një fyerje e madhe për vendin tonë.”
