Megjithëse Partia Demokratike e ka cilësuar antikushtetues dekretin e Presidentit Bajram Begaj për shpalljen e zgjedhjeve në Tiranë, nuk ka plan të ankimojë këtë vendim në Gjykatën Kushtetuese.
Nuk dihet nëse kjo vendimmarrje burojnë nga arsye politike apo mungesa e besimit në gjykatë, por demokratët nuk do të sfidojnë në Kushtetuese caktimin e datës për zgjedhjet në kryeqytet, edhe pse një ditë më parë e kritikuan ashpër Presidentin Begaj për shkelje të Kushtetutës.
Pavarësisht se nuk kanë kandidatë të emëruar ende, me shpalljen e zgjedhjeve, PD nis praktikisht fushatën e saj nga dita e premte, kur do të zhvillojë mbledhjen e strukturave në Tiranë.
