Në lagjen nr. 14 të Korçës, tensionet mes familjeve janë rritur pas ngjarjes së rëndë ku një 14-vjeçare tentoi të vetëvritej, pas bullizmit që pësoi nga bashkëmoshatarët.
Vajza u hodh nga kati i tretë dhe ndodhet në spital me plagë serioze, ndërsa nëna e saj, 42-vjeçarja Sonila Dhëmbi, u procedua penalisht për dhunë ndaj një 13-vjeçareje, pas një konflikti mes familjeve.
Konfliktet e vazhdueshme në lagje kanë sjellë përplasje mes fëmijëve dhe të rriturve, duke theksuar nevojën për masa urgjente kundër bullizmit.
Nëna e vajzës tha se e bija u hodh nga kati i tretë për shkak të ofendimeve dhe talljeve që po pësonte. Policia po heton ngjarjen, ndërsa vajza ndodhet jashtë rrezikut për jetën.
