Të enjten në orën 18:00 Lëvizja Bashkë nis fushatën për kryebashkiakun e Tiranës, Arlind Qorin. Ndryshe nga partitë e mëdha që kanë fonde dhe strukturë, kjo fushatë do të bazohet kryesisht në takime derë më derë me qytetarët, për një qeverisje të ndershme dhe një vizion të ri për Tiranën.
Por problemi i tyre është mungesa e fondeve. Paratë nga zgjedhjet parlamentare nuk janë akorduar ende nga Ministria e Financave. Qori thotë se çdo kontribut, edhe i vogël, do të ishte shumë i mirëpritur në hapjen e fushatës këtë të enjte.
“Edhe 5 mijë lekë të vjetra na ndihmojnë shumë. Kemi vetëm pak shpenzime për fletushka dhe karrige me qira. Solidariteti juaj na nevojitet shumë,” thotë Qori në rrjetet sociale.
