Pas më shumë se dy vitesh luftë, Izraeli dhe Hamasi njoftuan në orët e para të mëngjesit të sotëm se ishte mbyllur marrëveshja e armëpushimit në Rripin e Gazës, si pjesë e një plani të propozuar nga presidenti amerikan Donald Trump dhe synon të ketë paqe “të qëndrueshme” në rajon.
Siç njoftoi republikani me krenari përmes Truth Social, palët “pranuan fazën e parë” të planit të tij për Gazën në negociatat indirekte në Egjipt. “Kjo do të thotë se të gjithë pengjet do të lirohen shumë shpejt”, vazhdoi ai.
Izraeli “do të tërheqë trupat e tij në një linjë të parashikuar nga marrëveshja”, si pjesë e “hapave të parë drejt Paqes së Fortë, të Qëndrueshme dhe të Përjetshme”, shtoi presidenti amerikan.
