Shtëpia e Bardhë ka sqaruar se Presidenti Donald Trump do të vendosë vetë se kur do të përfundojë armëpushimi me Iranin, duke hedhur poshtë raportimet që flisnin për një afat të caktuar prej tre deri në pesë ditësh.
Zëdhënësja e Shtëpisë së Bardhë, Karoline Leavitt, theksoi se presidenti është në pritje të një “përgjigje të unifikuar” nga udhëheqësit iranianë në lidhje me kushte të propozuara për një marrëveshje paqeje.
Ajo shtoi se “Operacioni Ekonomik Fury” i SHBA vazhdon, duke përfshirë një bllokadë detare ndaj Iranit, që po i ndalon atij të eksportojë naftë dhe produkte të tjera.
