Kryeministri Edi Rama ka marrë sot pjesë në prezantimin e raportit të OECD-së për TALIS, ku Shqipëria ka arritur rezultate të larta në Anketën Ndërkombëtare të Mësimdhënies dhe Nxënies.
Në fjalën e tij, Rama shprehu krenarinë për mësuesit shqiptarë, duke theksuar se 85% e tyre e kanë zgjedhur profesionin e mësuesit si një zgjedhje të vetëdijshme dhe me pasion.
Sipas kryeministrit, mbështetja dhe motivimi i mësuesve të rinj mbetet një sfidë e rëndësishme për sistemin arsimor shqiptar.
“Ndihemi krenar për të gjithë mësuesit e Shqipërisë. Kemi dalë me rezultat domethënës pozitiv ne këtë anketë, në një grup vendesh që nuk janë vende të dorës së dytë.
E bëjnë si një punë që ashtu si kundër reflektohet në anketim 85% e mësuesve e kanë zgjedhur mësimdhënies si vokacion dhe profesion.
Dua të shtoj se mbështetja e mësuesve të rinj, ulja e ngarkesës së punës dhe mundësisë për të marrë frymë dhe për të punuar më lehtësisht dhe përfshirja e AI në praktikat e klasës janë objektiva që duhet t’i ndjekim bashkërisht.”
