Gjatë natës, në Sheshin e Pengjeve janë mbledhur shumë qytetarë ndërsa është bërë dorëzimi i 20 pengjeve të gjalla te Komiteti Ndërkombëtar i Kryqit të Kuq në Gaza, sipas marrëveshjes së armëpushimit mes palëve.
Pas lirimit, pengjet do të dërgohen në një bazë ushtarake për ribashkim me familjet e tyre ose në spitale, nëse është e nevojshme. Në këmbim, Izraeli do të lirojë rreth 2,000 të burgosur palestinezë, përfshirë 250 me dënime të përjetshme dhe rreth 1,700 të mbajtur pa akuza.
Një grup ndërkombëtar do të punojë gjithashtu për të gjetur eshtrat e pengjeve të vdekur që nuk kthehen brenda 72 orëve. Hamasi ka publikuar emrat e 20 pengjeve që po lirohen.
