Policia ka arrestuar në flagrancë dy të rinj në Tiranë, të akuzuar për shpërndarje të lëndëve narkotike në formë xhelatine. Në pranga ranë Denis Brakaj (Krasniqi), 35 vjeç, dhe Elker Xibraku, 30 vjeç.
Gjatë kontrollit të ambientit ku u kapën, u sekuestruan 8 pako me kanabis në formë xhelatine. Në banesën e Denis Brakaj u gjetën edhe rreth 802 gramë kanabis dhe 3 armë të ftohta (thika).
Hetimet vazhdojnë për dokumentimin e plotë të rastit dhe identifikimin e personave të tjerë të përfshirë.
