Sekretari i Përgjithshëm i PD-së, Flamur Noka, reagoi ndaj raportit përfundimtar të OSBE/ODIHR për zgjedhjet e 11 majit 2025, duke theksuar se dokumenti konfirmon denoncimet e opozitës për manipulimin e procesit zgjedhor dhe kapjen e shtetit nga Partia Socialiste.
Sipas Nokës, raporti vërteton se “blerja e votës është krim dhe jo epërsi politike ndaj opozitës”, duke theksuar se në Shqipëri “ti voton, patronazhisti numëron”. Ai akuzoi kryeministrin Edi Rama se përdor krimin për të kontrolluar rezultatin e zgjedhjeve dhe për të ruajtur pushtetin.
Noka paralajmëroi se lidhjet e hershme të Ramës me krimin janë shkaku i jetëgjatësisë së tij politike dhe se kjo bashkëqeverisje ka dëmtuar ekonominë dhe ka penguar investimet e huaja në vend. Ai theksoi se PS ka përdorur “paranë e pistë” për të blerë vota, influencë mediatike dhe për të kontrolluar administratën.
Raporti i OSBE/ODIHR sipas Nokës, vërteton se Shqipëria nuk ka pasur zgjedhje të lira dhe të ndershme, por një proces të manipuluar, ku krimi dhe pushteti politik kanë punuar së bashku.
