Prokuroria e Posaçme ka regjistruar zëvendëskryeministren Belinda Balluku si person nën hetim për akuzën e “shkeljes së barazisë në tendera”. Sipas burimeve, Balluku është thirrur të paraqitet në SPAK të hënën, me avokat, në bazë të një fletëthirrjeje firmosur nga prokurori Dritan Prençi.
Ndërkohë, nga Berlini ku po merr pjesë në “Global Dialogue”, kryeministri Edi Rama ka reaguar për herë të parë mbi hetimin ndaj zv.kryeministres, duke theksuar:
“Nuk kam asnjë koment për asnjë rast. Ne kemi punën tonë, drejtësia ka punën e vet. Derisa çështjet të marrin formë të prerë, të gjithë janë të pafajshëm dhe të padënueshëm nga gjykata popullore e politikës dhe mediave.”
