Sot në një pronocim me gazetarët në hyrjen të Kuvendit të Kosovës, deputeti i Aleancës për Ardhmërinë e Kosovës (AAK) Bekë Berisha ua bëri të qartë se në këtë seancë të së dielës nuk do votojë për krjimin e Qeverisë Kurti 3.
“Na s’kemi marrëveshje. Unë s’kam votë për këtë qeveri. Besoj që do të shkojmë në zgjedhje”, shtoi deputeti Berisha.
Më tej ai deklaroi se shpreson që ata që kanë thënë se nuk do ta votojnë Qeverinë, t’i mbajnë fjalët.
“Nuk është kollaj, se, s’di se si t’ua shpjegoj, ndoshta e keni dëgjuar edhe ju vetë, është intoksikuar atmosfera shumë, ka shumë xhelozi e inati e cinizëm shumë më shumë sesa ide, punë e pasion. Por, jemi ku jemi dhe do të përpiqemi ta bëjmë Qeverinë. Por, siç duket, alternativa është se do të shkojmë në zgjedhje prapë”, deklaroi Berisha.
