Kreu i Partisë Demokratike, Sali Berisha, ka ndërhyrë gjatë përgjigjeve të dhëna nga kreu i SPAK, Altin Dumani, në seancën e sotme parlamentare ku ky i fundit po raportonte mbi punën e Prokurorisë së Posaçme për vitin 2024.
Berisha u ngrit nga vendi dhe kërkoi që Dumani të lexonte pyetjet e deputetëve një për një, në mënyrë që t’u përgjigjej në mënyrë të drejtpërdrejtë.
Ndërhyrja e Berishës solli një moment tensioni në sallë, por reagimit të tij iu përgjigj kryeparlamentari Niko Peleshi, i cili kërkoi që seanca të vijonte normalisht dhe raportimi të mos ndërpritej.
