Lazio ka zhytur akoma më shumë në krizë Juventusin, që nuk njeh fitore prej 8 ndeshjesh në të gjitha kompeticionet.
Juventus nuk po gjen dritë në fund të tunelit. Madje ai po zhytet akoma edhe më shumë, pasi kundër Lazio-s për javën e 8 të Seria A u mposht 1-0 në Olimpico. Goli i vetëm i sfidës erdhi që në minutën e 9 nga kroati Toma Basic, i cili realizoi nga jashtë zone.
Për Juventusin kjo ishte humbja e 3 radhazi në të gjitha kompeticionet, ndërsa ka çuar në 8 numrin e ndeshjeve pa fitore. Në katër të fundit “zonja e vjetër” nuk ka arritur as të shënojë, duke vendosur një rekord negativ për klubin.
Kjo situatë ka vendosur më shumë se kurrë në pikëpyetje trajnerin Igor Tudor, i cili pritet të shkarkohet shpejt nga Juventusi.
