Opozita paralajmëron për mungesë kontrolli në sektorin e ndërtimit dhe leje ndërtimi me vlera të pajustifikuara në Tiranë.
Deputetët e Partisë Demokratike, Jorida Tabaku dhe Eno Bozdo, kanë ngritur alarmin për investime të dyshimta në ndërtim, duke theksuar se mungesa e transparencës po rrezikon stabilitetin ekonomik.
Tabaku tha se janë dhënë 1.9 milion m² leje ndërtimi, ndërsa disa kompani që ndërtojnë kulla me vlerë mbi 200 milionë euro nuk kanë bilanc financiar.
“Janë dhënë 1.9 milion m² leje ndërtimi, shifër jashtëzakonshme, e papërballueshme për sektorin bankar apo çdo kompani. Sot ka kompani që marrin leje ndërtimi për kulla 200 mln euro me 0 bilanc. Çfarë mund të bëhet për të ndaluar këtë që po ndodh me ndërtimin sepse të ngremë duart dhe të themi është e pamundur për mua nuk është përgjigje. Kanë ulur vlerën e euros në 30%, çfarë mund të bëjmë?! Kjo është kriza që ka sot shoqëria shqiptare”, tha deputetja.
