Erind Lasku, i dyshuar për koordinimin e pastrimit të parave të fituara nga trafiku i drogës në Durrës, u ekstradua nga Milano në Shqipëri.
Ekstradimi u realizua falë bashkëpunimit mes specialistëve të Drejtorisë së Interpolit dhe Interpol Romës, në kuadër të operacionit “The Wanted”.
Lasku kërkohej ndërkombëtarisht, pasi Gjykata e Apelit ka caktuar në prill 2025 masën e sigurisë “Arrest në burg” për veprën penale të pastrimit të parave, kryer në kuadër të grupit të strukturuar kriminal të Elvis Docit (Visi i Pojës).
Ai dyshohet se ka lehtësuar transferta monetare të ardhura nga trafiku i drogës për këtë grup.
