Presidentja e Komisionit Evropian, Kaja Kallas, ka vlerësuar ecurinë e Shqipërisë në rrugën e integrimit evropian, duke theksuar se vendi ka arritur një progres të dukshëm në krahasim me vitet e mëparshme.
Gjatë daljes për mediat pas prezantimit të raportit mbi zgjerimin, ajo u shpreh se procesi i anëtarësimit mbetet sfidues, por në bazë të meritave që po dëshmon Shqipëria, anëtarësimi në Bashkimin Evropian deri në vitin 2030 është një objektiv real dhe i arritshëm.
“Shqipëria ka treguar një përparim të jashtëzakonshëm dhe është një shembull se si vullneti politik dhe reformat konkrete japin rezultat. Procesi i anëtarësimit nuk është i lehtë dhe nuk ka rrugë të shkurtër, por nëse ky ritëm vazhdon, unë e shoh plotësisht të mundur që Shqipëria të bëhet anëtare e Bashkimit Evropian deri në vitin 2030. Kjo do të ishte një arritje e rëndësishme jo vetëm për Shqipërinë, por edhe për gjithë rajonin tonë, si dëshmi e fuqisë që ka zgjerimi në forcimin e stabilitetit dhe sigurisë evropiane,” tha Kallas.
