Kryetari i Partisë Demokratike, Sali Berisha, zhvilloi një takim me Sekretaren e Përgjithshme të Partisë Popullore Evropiane, Dolors Montserrat, dhe Drejtorin për Marrëdhëniet me Jashtë, Patrick Voller.
Gjatë bisedës, Berisha denoncoi një përkeqësim të demokracisë, shtetit të së drejtës dhe sigurisë në Shqipëri, duke e quajtur vendin “narko-shtetin e parë dhe të vetëm në Evropë”.
Ai akuzoi grupet kriminale për infiltrim në ekonomi, administratë dhe procese zgjedhore, me mbështetje politike nga Kryeministri Rama.
Berisha kërkoi një vizitë urgjente të përfaqësuesve të PPE-së në Shqipëri për të parë nga afër situatën dhe riafirmoi angazhimin e PD-së për zgjedhje të lira dhe të ndershme, rivendosjen e demokracisë dhe luftën kundër krimit të organizuar.
Në takim ishin gjithashtu deputetët Albana Vokshi dhe Belind Këlliçi.
