Pas refuzimit të plani plani të paqes me 28 pika nga presidenti ukrainas Volodymyr Zelensky para dy ditësh, sot Sekretari Amerikan i Shtetit, Marco Rubio është takaur me diplomatët europianë dhe ata ukrainas.
Nga ky takim ai u shpreh se bisedimet ishin më të rëndësishmet dhe më produktivet që janë mbajtur ndonjëherë.
“Takimet e sotme ishin takimet më produktive dhe më të rëndësishme deri më tani në të gjithë këtë proces që kur jemi përfshirë.
Kemi një punë shumë të mirë që është bazuar tashmë në pikëpamjet e të gjithë palëve të interesuara përkatëse dhe kemi qenë në gjendje t’i shqyrtojmë disa nga këto çështje tani, një nga një. Dhe mendoj se kemi bërë përparim të mirë. Ekipet tona tani janë tërhequr në dhomat e tyre ndërsa punojmë me disa nga propozimet që na janë paraqitur”, përfundoi Rubio.
