Sot në “Bregun e Diellit” në Prishtinë ka pasur të shtëna me armë zjarri. Zëdhënësi i Policisë, Enis Pllana, tha se dyshohet se ka ndodhur gjatë një grabitje të armatosur ndaj sigurimit të një furgoni që po transportonte para. Ai shtoi se nuk ka të lënduar dhe se po ndërmerren masat e nevojshme për identifikimin dhe arrestimin e të dyshuarve.
“Sot rreth orës 14:00, kemi pranuar informatën për të shtëna me armë në lagjen Bregu i Diellit në Prishtinë. Bazuar në të dhënat e deritanishme, rasti dyshohet se ka ndodhur gjatë një grabitjeje të armatosur ndaj pjesëtarëve që po siguronin një furgon që transportonte para.
Nga informatat fillestare nuk raportohet për persona të lënduar, ndërkohë që hetuesit policorë në koordinim me Prokurorinë, janë duke ndërmarrë të gjitha masat e nevojshme për identifikimin dhe arrestimin e të dyshuarve si dhe për zbardhjen e plotë të rrethanave të rastit.”
