Një ngjarje me armë ka ndodhur paraditen e sotme pranë stadiumit në Lushnjë.
Një person, identifikuar si Julian Sula, 45 vjeç, është plagosur në këmbë dhe ndodhet jashtë rrezikut për jetën.
Ai dyshohet se lidhet me një konflikt mes grupeve rivale në qytet.
Policia ka vendosur pika kontrolli në hyrje-dalje të Lushnjës dhe po punon për identifikimin dhe kapjen e autorëve.
Në afërsi të fshatit Lifaj është gjetur një automjet i djegur, që dyshohet se i përket personave të përfshirë në ngjarje.
Grupi hetimor i Prokurorisë vijon punën për zbardhjen e plotë të rrethanave.
