Një konflikt mes disa të rinjve në qytetin e Vlorës ka përfunduar me dy të plagosur, të cilët janë transportuar me urgjencë në spital për trajtim mjekësor.
Ngjarja ndodhi pasditen e kësaj të marte, ndërsa sherri mes të rinjve ka degraduar në përdorimin e thikës, duke lënë të plagosur dy prej të përfshirëve.
Sipas informacionit paraprak, rrethanat e ngjarjes mbeten ende të paqarta, ndërsa policia ka mbërritur menjëherë në vendngjarje.
Forcat e rendit kanë nisur hetimet për të zbardhur ngjarjen dhe për të identifikuar personat që janë përfshirë në incident.
