Ndërsa shqiptarët festojnë 28 Nëntorin, ish-presidenti dhe ish-kryeministri i Kosovës, Hashim Thaçi, do të ketë seancë gjyqësore në Hagë për aktakuzën mbi administrimin e drejtësisë.
Seanca statusore do të mbahet më 28 nëntor rreth orës 09:30, ku Thaçi do të marrë pjesë përmes video-lidhjes.
Sipas aktakuzës, Thaçi dhe bashkëpunëtorët e tij, Bashkim Smakaj, Isni Kilaj, Fadil Fazliu dhe Hajredin Kuçi, dyshohet se kanë ndjekur një “model sjelljeje për të penguar personat zyrtarë në kryerjen e detyrave zyrtare”.
“Ish-presidenti nuk do të jetë fizikisht në sallë, por do të marrë pjesë në konferencë përmes video-lidhjes.”
Të arrestuarit e tjerë në këtë rast janë transferuar në Hagë gjatë vitit 2024, sipas aktakuzave dhe urdhrave të gjykatës.
