Shkolla 9-vjeçare “Asllan Keta” në Fushë-Bulqizë ka vendosur një homazh të veçantë për ish-nxënësin e saj, Erjon Boba, i cili humbi jetën dje në spitalin e Durrësit, pas një sulmi me thikë nga një adoleshent 14-vjeçar.
Përmes këtij veprimi, stafi i shkollës dhe bashkëmoshatarët e Erjonit shprehen ngushëllimin dhe respektin për të, duke vendosur lule mbi vendin ku ai ka kaluar vitet e tij të parë të shkollimit.
Shokët dhe mësuesit e përshkruajnë Erjonin si një fëmijë të qetë, të sjellshëm dhe gjithmonë të gatshëm për të ndihmuar të tjerët.
“Lajmi na tronditi të gjithëve. Ishte një djalë i mirë dhe i dashur për të gjithë ne,” thanë ata, duke treguar dhimbjen për humbjen e tij.
