Një tërmet me magnitudë 7 ka goditur mbrëmjen e sotme një zonë malore me pak banorë, midis Alaskës dhe skajit perëndimor të Kanadasë.
Tërmeti u regjistrua në një thellësi prej 10 km, pranë bregut, në kufirin midis Alaskës dhe territorit kanadez Yukon, rreth 250 km nga Whitehorse dhe 370 km nga Juneau.
Pas këtij tërmeti, janë ndjerë dy pasgoditje me magnitudë 5,6 dhe 5,3.
Megjithatë, qendra amerikane për paralajmërim të cunami-ve ka njoftuar se nuk ka pasur asnjë paralajmërim për cunami.
