Pritshmëritë për Botërorin 2026 janë të mëdha, pasi kjo do të jetë hera e parë që kampionati i futbollit më i madh në botë do të zhvillohet në tre vende.
SHBA, Kanada dhe Meksikë. Por, një ndryshim tjetër i dukshëm është rritja e çmimeve të biletave.
Sipas një artikulli të The Sun, çmimet për të ndjekur ndeshjet nga afër janë rritur në mënyrë të konsiderueshme, duke kaluar mbi 1000 euro për një biletë.
Kjo është dyfishim krahasuar me Botërorin e fundit në Katar, ku çmimi i biletave nuk e kalonte shumën 500 euro.
Botërori 2026 do të nisë më 11 qershor, dhe këto çmime të larta janë një indikator i kërkesës së madhe dhe e pritshmërisë që kanë tifozët për këtë edicion historik.
