Dy të vdekur në Durrës dhe Korçë. Një marinar ra në kontakt me energjinë elektrike dhe për pasojë humbi jetën në Durrës.
I riu që humbi jetën ishte nga Azerbajxhani, ndërsa dy të tjerët që u prangosën gjatë hetimeve janë nga Azerbajxhani dhe nga Gjeorgjia.
Ata akuzohen për veprën penale “Shkelja e rregullave të mbrojtjes në punë”.
Në Korçë ka ndodhur një aksident me pasojë vdekje. Aksidenti u regjistrua në afërsi të fshatit Cangonj.
Një automjet ka përplasur një këmbësor, që për pasojë ka humbur jetën.
Grupi hetimor dhe policia ndodhen në vendin e ngjarjes për sqarimin e rrethanave.
