Numri i viktimave në sulmin terrorist në Bondi Beach, Sydney ka arritur në 12, përfshirë një prej autorëve që hapi zjarr mbi turmën e njerëzve gjatë festës hebraike Hanukkah. Rreth 30 persona të tjerë janë plagosur.
Ngjarja ka ndodhur në një nga plazhet më të frekuentuara të qytetit, ku ishin mbledhur mbi 1000 persona, dhe konsiderohet si sulmi më i rëndë i regjistruar në Australi që nga viti 1996.
Autorët e dyshuar: njëri ka humbur jetën gjatë përplasjes me policinë, ndërsa tjetri është arrestuar dhe ndodhet në gjendje të rëndë shëndetësore. Policia dyshon për përfshirjen e një personi të tretë.
