Një debat në TikTok ka shkaktuar një incident me armë në Kamëz, ku 36-vjeçari Fatmir Frroku plagosi 22-vjeçarin Mariglen Jata.
Konflikti kishte nisur tre javë më parë në një ‘live’ në TikTok. Frroku u arrestua dhe akuzohet për “Vrasje me paramendim” dhe “Mbajtja e armëve pa leje”, ndërsa dy bashkëpunëtorët e tij, Izet Leka dhe Marsildo Ndoja, janë arrestuar gjithashtu.
Kjo plagosje është pjesë e një vale dhune të lidhur me konflikte online, pasi dhe në Tiranë dhe Durrës janë regjistruar dy ngjarje të tjera të ngjashme, ku të rinjtë u plagosën pas debateve në rrjete sociale.
