Drejtoria vendore e kufirit dhe migracionit Korçë ka goditur dy raste të paligjshmërisë gjatë kontrolleve intensive për parandalimin e lëvizjeve të kundraligjshme në kufi.
Në kuadër të operacioneve, është ndaluar një 35-vjeçar, i shpallur në kërkim, P. H., i cili akuzohet për prodhim dhe shitje narkotikësh, si dhe për shtytjen e të miturve në krim.
Ai u arrestua gjatë hyrjes në Shqipëri dhe është vendosur në masën e sigurisë “Arrest me burg”.
Po ashtu, gjatë kontrollit të një autobusi në kufirin me Greqinë, është ndaluar 21-vjeçari O. J., banues në Greqi, pasi iu gjet një sasi e dyshuar narkotike cannabis sativa.
Kundër tij nisi procedimi penal për “Prodhimin dhe shitjen e narkotikëve”.
