Kryetari i PD-së, Sali Berisha tha se protesta e 22 Dhjetorit do të jetë paqësore dhe jo e dhunshme sikur është aluduar. Por theksoi se revoltat kanë oshilacionet e tyre. “Nuk thashë që do të futen në grevë deputetët por janë të gjitha opsionet të hapura” tha ai.
Kishte një koment edhe për atë që po ndodh në Këshillin e Mandateve për imunitetin e Belinda Ballukut. “Deri më sot asnjë dokument apo material nuk është sekret, as edhe videot e tyre, asnjë nuk është sekret.
Ka një element dhe parlamentarët e opozitës në interesin më të mirë të procesit atë sekret do ta mbajnë, nuk e bëjnë publik.
Vetë prokurorët për shkak të atij sekreti kanë kërkuar që provat të mos i dorëzohen delinkuentes Balluku por jo të mos u jepen deputetëve. Seancë të mbyllur për vjedhjet e Ramës ne nuk pranojmë” tha ai.
