Deputeti i Partisë Demokratike për qarkun e Durrësit, Igli Cara, përmes një postimi në facebook nga takimi që zhvilloi dje me demokratët e Durrësit, tha se protesta e ditës së sotme është shumë e domosdoshsme dhe se koha nuk na pret më.
Fjala e Carës
Sot, me demokratët dhe qytetarët e Durrësit, folëm hapur dhe me përgjegjësi për detyrën që kemi përpara. Pjesëmarrja në protestën e nesërme nuk është zgjedhje, është domosdoshmëri. Regjimi i Ramës ka varfëruar familjet shqiptare, ka përzënë fëmijët tanë nga atdheu, e ka kthyer Shqipërinë në narkoshtet dhe ka grabitur buxhetin e shtetit dhe çdo pronë publike.
Nesër, më 22 Dhjetor, në orën 18:00, të gjithë në protestë kundër regjimit. Koha nuk pret. Shqipëria na thërret! Partia Demokratike Dega Durrës.
