Këtë të martë, Superliga shqiptare e futbollit do të ofrojë dy duele interesante, duke nisur nga ora 18:00.
Në “Arenën e Demave”, Partizani do të përballet me Dinamon në një derbi të nxehtë të kryeqytetit. Pas humbjes ndaj Egnatias, Partizani kërkon rikthimin në fitore, ndërsa Dinamo vjen pas një fitorje të madhe me përmbysje kundër Vorës.
Trajneri i Partizanit, Oltijon Kërnaja, theksoi rëndësinë e këtij ndeshjeje dhe shprehu se ekipi i tij do të luftojë për të marrë tri pikët. Ai vlerësoi Dinamon, por siguroi se objektivi i tij mbetet vetëm fitorja.
Në mbrëmje, do të zhvillohet edhe ndeshja Teuta – Egnatia, e cila është po ashtu shumë e rëndësishme për të dyja ekipet në renditje.
