E ndërsa opozita protestonte poshtë zyrës së tij, kryeministri Edi Rama nga Spanja shprehej në Facebook për ndryshimin e perceptimit për Shqipërinë duke e krahasuar të shkuarën.
“Barcelonë, ku u pritëm me nderim të veçantë nga Dhoma e Tregtisë së Katalonjës, e ku u ndjemë krenarë për respektin dhe interesimin për Shqipërinë, emri i së cilës kur vije në Spanjë deri jo shumë vite më parë ishte sinonim i një njolle të errët në hartën e Europës, ndërsa sot është emri i një prej destinacioneve të preferuara turistike të rinisë spanjolle, ndërkohë që marrëdheniet shtetërore me Spanjën s’kanë qenë kurrë më të mira”, ka shkruar kryeministri Rama.
