Përsëri ditën e sotme është paraqitur në SPAK, ish-drejtori i burgjeve Agim Ismaili, ky i fundit është i vënë nën hetim nga SPAK në lidhje me sulmin kibernetik të ndodhur më 12 mars ndaj Prokurorisë së Posaçme.
Hetimet ndaj ish-kreu të Burgjeve vijnë disa muaj pas incidentit të dyshuar të hakerimit, dhe SPAK ka njoftuar se procedurat po ndiqen në mënyrë intensive, për të përcaktuar rolin dhe përgjegjësitë e tij.
Sipas SPAK, hakerët tentuan të merrnin informacion nga kompjuterët e tre prokurorëve të posaçëm, Behar Dibra, Enkeleida Millonai dhe Elida Kaçkini, por sipas Prokurorisë, nuk arritën të depërtojnë në sistemin e brendshëm të IT-së.
Të arrestuarit më pas i kanë shpërndarë të dhënat e marra te persona të tjerë, mes të cilëve dyshohet se janë dy gazetarë, ish-kreu i Burgjeve Agim Ismaili, si dhe Dritan Palikaj, sekretar i përgjithshëm në Ministrinë e Bujqësisë.
