Për Sali Berishën, Edi Rama largohet vetëm me protesta të qëndrueshme, pa ndërprerje në bulevard deri në rrëzimin e qeverisë. Tha se kryeministri nuk po e lëshon imunitetin e Ballukut dhe për këtë arsye duhet të ketë revoltë.
“Sikur del qartë, Edi Rama i ngërthyer tani, kokë e këmbë nga mafia e tij, Lubi Balluku, Ergys Agasi, Olta Xhacka, Taulant Balla, etj në një vendim “in-extremis” ka vendosur që të asgjësojë, të bllokojë zbatimin e ligjit dhe të vendimit të Prokurorisë dhe Gjykatave.
Ai del haptas kundër heqjes së imuniteteve dhe arrestimit të kriminelëve, Lubi Balluku është me të gjitha të dhënat e veta kryetare e një organizate të strukturuar kriminale.
Por kapo i kapove është Edi Rama. Ai është skllav i krimeve të veta. Me revoltë Edi Rama do ia mbathë, por edhe prapa Diellit të shkojë do ta sjellim para gjykatës” tha ai.
