Me urdhër të SPAK, policia ka kryer kontrolle për hetimet ndaj Belinda Ballukut dhe të bashkëpandehurve të tjerë, mes tyre biznesmenë.
Policia e Shtetit, me urdhër të Prokurorisë së Posaçme, po vijon kontrollet në kuadër të hetimeve ndaj numrit dy të qeverisë, Belinda Balluku, si dhe disa personave të tjerë të bashkëpandehur.
Gazetarja Xhensila Kodra thekson se kontrollet po kryhen me vendim të Gjykatës së Posaçme të Krimeve të Rënda (GJKKO) pas kërkesës së SPAK.
Në kuadër të tyre janë përfshirë edhe disa biznesmenë, emrat e të cilëve mbeten të rezervuar. Deri tani, nuk ka konfirmime për masa sigurie apo arrestime lidhur me këto kontrolle.
