Një aksident i rëndë rrugor ka ndodhur në orët e para të mëngjesit të 1 Janarit në aksin Gjirokastër–Tepelenë, në zonën e njohur si “Bypass”, duke shkaktuar humbjen e jetës së tre personave dhe plagosjen e rëndë të një të reje.
Ngjarja u regjistrua rreth orës 03:18, kur dy automjete që po lëviznin në këtë segment rrugor u përplasën me njëri-tjetrin. Si pasojë e përplasjes së fortë, mbetën të vdekur drejtuesit e mjeteve, Martin Dulaj 25 vjeç dhe Klejdi Myftari 24 vjeç si edhe pasagjeri Anxhelo Ruçi, 27 vjeç.
Në aksident u lëndua rëndë Arsida Demiri, 19 vjeçe, e cila është transportuar drejt Spitalit të Traumës në Tiranë, ku po merr trajtim të specializuar mjekësor.
