Niveli i lumit Vjosa ka shënuar rritje të ndjeshme, duke kaluar kuotën 9 metra dhe duke krijuar rrezik për daljen e ujit nga argjinatura në zonat e Bishanit dhe Fitores.
Si pasojë, disa banesa janë përmbytur dhe dhjetëra hektarë tokë bujqësore janë dëmtuar, ndërsa janë evidentuar edhe humbje në blegtori.
Autoritetet kanë urdhëruar evakuimin e menjëhershëm të banorëve në zonat e rrezikuara, ndërkohë që forcat e armatosura dhe ekipet e emergjencave civile po veprojnë në terren. Sipas parashikimeve, reshjet në vijim dhe prurjet e shtuara të lumit pritet të përkeqësojnë situatën.
