Një zjarr ka shpërthyer në katin e parë të një pallati në lagjen “18 Shtatori” në Gjirokastër, duke shkaktuar panik tek banorët.
Forcat zjarrfikëse kanë intervenuar shpejt dhe kanë shpëtuar një grua të moshuar, e cila kishte mbetur e asfiksuar nga tymi i dendur.
E moshuara, që jetonte e vetme, është transportuar menjëherë në spitalin rajonal për trajtim mjekësor. Rreth shkaqeve dhe kushteve të zjarrit, ende nuk ka informacion të plotë.
