Adriatik Lapaj dhe mbështetësit e tij, që prej 8 dhjetorit protestojnë poshtë Kryeministrisë, janë përplasur sërish me Policinë e Shtetit.
Konflikti i fundit lidhej me çadrën që protestuesit kishin ngritur për të mbrojtur veten nga i ftohti, ndërsa efektivët e njësive speciale u përpoqën ta largonin atë dhe sende të tjera të vendosura nga grupi.
“Doni të më merrni dhe shpirtin tani? Ikni, merrni Belindën që po ju vjedh.”
Ai dhe mbështetësit e tij akuzojnë kryeministrin Edi Rama për ndërhyrjen e Policisë dhe vazhdojnë qëndresën e tyre në bulevardin “Dëshmorët e Kombit”, me kërkesën për rrëzimin e qeverisë.
