Mbrëmjen e së enjtes, Milani do të përballet me Comon në javën e 16-të të Serie A, një sfidë e rëndësishme pas dy barazimeve radhazi ndaj Genoas dhe Fiorentinës.
Trajneri Massimiliano Allegri theksoi rëndësinë e marrjes së pikëve për të qëndruar mes katër të parave:
“Duhet të mendojmë për fazën e dytë dhe të marrim pikët që na lejojnë të qëndrojmë mes katër skuadrave të para,” tha ai.
Allegri konfirmoi mungesat e Fullkrug dhe Pavlovic për shkak të dëmtimeve dhe theksoi nevojën për më shumë agresivitet dhe stabilitet gjatë ndeshjeve:
“Duhet të jemi më agresivë, lojtarët kanë shumë cilësi dhe duhet të jenë të bindur se grupi është i fortë,” shtoi trajneri.
Ai gjithashtu vlerësoi punën e trajnerit të Comos, Cesc Fabregas:
“Como është e hareshme dhe teknike, por në këtë përballje nuk është Fabregas kundër Allegrit, është Como kundër Milanit,” përfundoi Allegri.
