Komiteti i Përbashkët Ekzekutiv mes qeverisë shqiptare dhe Kombeve të Bashkuara zhvilloi sot një mbledhje për të shqyrtuar arritjet e kuadrit të bashkëpunimit 2022–2026.
Zëvendëskryeministrja Belinda Balluku njoftoi se gjatë takimit u vlerësuan rezultatet e arritura dhe u diskutua nisja e përgatitjeve për kornizën e re 2027–2031.
Ajo theksoi se bashkëpunimi do të vazhdojë për të fuqizuar kapitalin njerëzor, për të nxitur zhvillimin e qëndrueshëm dhe për të forcuar institucionet demokratike, duke synuar një Shqipëri më moderne dhe më afër Bashkimit Europian.
