Kreu i Partisë Demokratike, Sali Berisha, ka theksuar se deputetët e PD-së do të jenë pjesë e seancës plenare në fillim të sesionit të ri parlamentar.
Në një prononcim nga selia blu, ai sqaroi se partia e tij nuk ka bojkotuar Kuvendin dhe se do të qëndrojë aty për të përfaqësuar qytetarët.
“Ne nuk kemi bojkotuar parlamentin. Do të jemi aty për të qenë zëri i qytetarëve. Më 24 janar do t’i japim përgjigjen e merituar Taos së famshëm të krimit dhe Edi Ramës. Ata kanë aneksuar parlamentin dhe qytetarët shqiptarë do thonë fjalën e tyre. Kjo është përgjigja ime për ta,” u shpreh Berisha.
