Presidentja e Kosovës, Vjosa Osmani, mori pjesë sot në ceremoninë e themelimit të Bordit të Paqes në Davos, ku presidenti i SHBA, Donald Trump, prezantoi këtë nismë globale. Në këtë ngjarje, presidentët dhe liderët e ftuar nënshkruan marrëveshjen për krijimin e Bordit të Paqes.
Pas prezantimit, Vjosa Osmani dhe Donald Trump shkëmbyen një bisedë të shkurtër “kokë më kokë” dhe më pas nënshkruan marrëveshjen.
Presidentja Osmani ka bërë të ditur se ndodhet në Davos me ftesë të presidentit Trump për këtë ngjarje të rëndësishme.
Në këtë ceremoni ishin të pranishëm liderë botërorë, ndërsa kryeministri i Shqipërisë, Edi Rama, nuk mori pjesë, pavarësisht se kishte pranuar ftesën e Trump.
Po ashtu, gjithashtu u vu re se nuk pati përfaqësim të lartë nga vendet e BE, me përjashtim të kryeministrit hungarez, Viktor Orban.
