Policia greke dyshon fort se autor i vrasjes së Jani Aliajt mund të jetë 44-vjeçari nga Tepelena, Xhuliano Halili. Ai ndodhej në të njëjtin sektor me Aliajn, në qeli afër njëri-tjetrit dhe çuditërisht rezulton i plagosur në këtë ngjarje.
Dyshimet e policisë kanë lindur për faktin se i burgosuri grek, 27-vjeçari Kristos Vardhuniotis, është vetëofruar si autor tek policia greke duke deklaruar: “Ta dini, unë e vrava”, ndërkohë nuk kishte asnjë shenjë përleshjeje.
Nga ana tjetër rezultoi në vendngjarje i plagosur 44-vjeçari Xhuliano Halili, i cili dy vite më parë kishte kryer vrasjen e Alfond Ndocit brenda në Koridhalo.
