Në seancën e sotme të Kuvendit, ministri i Financave, Petrit Malaj, foli për ndryshimet në buxhetin e vitit 2025.
“Për familjet që kanë përfituar ndihmë ekonomike dhe personat me aftësi të kufizuara janë dhënë 25.6 miliard lekë, ndërsa për kategorinë e pensionistëve fondi buxhetor ishte 120 milionë euro”, tha Malaj.
Më tej tha se të gjitha fondet e buxhetit 2025 që nuk janë përdorur nga ministritë, do të kalojnë te Banka e Shqipërisë, për mbështetjen e shtresave në nevojë.
“Borxhi publik, nën masën 54% të Prodhimit të Brendshëm Bruto (PBB), në fund të vitit 2025, niveli më i ulët që prej vitit 2010. Të ardhurat nga tatimet dhe doganat, 400 mln euro më shumë se në vitin 2024. 30 mln lekë kursime të evidentuara për shpenzimet publike”, theksoi Malaj.
