Përfaqësues të Partisë Demokratike, të udhëhequr nga Kryetari i Grupit Parlamentar Gazment Bardhi, deputetja Jorida Tabaku dhe deputeti Ivi Kaso, zhvilluan një takim me raporterin për Shqipërinë në Parlamentin Europian, Andreas Schieder.
Gjatë këtij takimi, ata shprehën shqetësimet e thella për situatën politike dhe institucionale në Shqipëri, duke theksuar disa problematika që ndikojnë në funksionimin e shtetit të së drejtës dhe respektimin e standardeve demokratike.
Një nga çështjet kryesore të diskutuara ishte bllokimi i shqyrtimit të mandatit të Zëvendëskryeministres Belinda Balluku nga Këshilli i Mandateve, përmes një vendimi të shumicës socialiste.
Përfaqësuesit e opozitës theksuan se kjo ka penguar rolin kushtetues të Kuvendit dhe ka ndërhyrë në pavarësinë e drejtësisë, veçanërisht në hetimet e SPAK-ut.
Gjithashtu, ata ngritën alarmin për përkeqësimin e kushteve për opozitën në Kuvendin e Shqipërisë. Sipas opozitës, ndërprerja e fjalës së deputetëve të opozitës gjatë seancave plenare është bërë një praktikë e zakonshme, duke e dobësuar kështu kontrollin parlamentar mbi qeverinë dhe ecurinë e procesit demokratik.
Përfundimisht, përfaqësuesit e PD-së informuan Schieder për ndikimin që këto praktika mund të kenë në procesin e integrimit europian të Shqipërisë dhe për standardet demokratike që kërkon Bashkimi Europian.
Berisha vlerëson Roussopoulos: I shpreha mirënjohjen për mbështetjen e tij
