Policia e Shtetit ka bërë ndryshime në nivelet drejtuese të policive vendore në disa qarqe të vendit, në kuadër të riorganizimeve të brendshme.
Sipas vendimeve të fundit, janë bërë emërime të reja në Lezhë dhe Vlorë, si dhe një konfirmim në Fier.
Në Lezhë është emëruar drejtor i Policisë Vendore Ermal Muça, ndërsa në Vlorë drejtimin e policisë vendore e ka marrë Edvin Ndreu.
Ndërkohë, në Fier është konfirmuar në detyrë Erion Ahmeti, i cili më herët e ushtronte funksionin si drejtor i komanduar.
Ndryshimet vijnë si pjesë e riorganizimeve të brendshme në Policinë e Shtetit, me synimin për të forcuar drejtimin dhe efikasitetin në strukturat vendore.
